Olbia, est una tzitade de 50.000 bi. in su nord de sa Sardigna (Italia), in Gallura, seu (chin Tèmpiu) de sa Provìntzia de Olbia-Tèmpiu. Est istada s'antiga capitale se su Giudigadu de Gallura. Est sa tzitade prus manna de sa provintzia e una de sas prus importantes de sa Sardigna. Su nòmene Olbia benit dae su grecu Ολβιος (Olbiòs), felitze.

Istoria

Olbia est una de sas tzitades prus antigas de sa Sardigna, in sa pianura olbiese s’agatant meda testimonias de sa presèntzia de sos omines a comintzare dae su neoliticu ae su periodu nuragicu. Sos istùdios archeològicos però narant chi sa tzitade fiat fundada da sos punicos a giru de su sèculu V - IV a.C. Cun sos romanos, arribados in su 238 a.C., sa tzitade fiat su tzentru prus mannu de sa Gallura. In su V sèculu d.C. sa tzitade rùet sutta a sos Vandalos arribados dae su mare, in calicuna manera sos bizantinos ne giarrigant sos vandalos e pro chimbighentos annos abbarrant in Olbia (su nùmene como est Phausiana). In su X sèculu Olbia cun su nùmene de Civita (pois Terranòa) est sa capitale de su Giudigadu de Gallura, in custu periodu aìant fraigadu sa Basilica de Santu Simpliu (XI-XII), e su Casteddu de Pedres (XIII). In su periodu Aragoneso sa tzitade fiat pagu pòbulada. In su ‘800 ainat fatu a nou su portu, e Olbia comintza a crèschere; In sa segunda Gherra Mondiale sa tzitade est istada bombardata, unos 22 òmines mòerent. In su ‘900 est istada bogada sa malaria, sa tzitade passa da 14700 pessonas de su 1951 a 45500 de su 2001. Oe est sa tzitade prus manna de sa Gallura e de sa provintzia de Olbia-Tèmpiu, ei una de sas prus importante de sa Sardigna. In su 2006 su comune de Olbia est istadu “comune d’eccellenza del sistema amministrativo italiano” pro capatzetade aministrativos e gestionale.